گوجرہ: شہر کے معروف صرافہ کاروباری خاندان سے تعلق رکھنے والے سلمان اعظم صراف رضائے الٰہی سے انتقال کر گئے۔ ان کے انتقال کی خبر سنتے ہی اہلِ خانہ، عزیز و اقارب اور شہری حلقوں میں گہرے دکھ اور افسوس کی لہر دوڑ گئی۔
مرحوم محمد اعظم صراف (رفیق جیولرز) کے صاحبزادے اور حاجی ارشد صراف کے بھائی تھے، جبکہ طاہر رفیق صراف اور رانا امجد صراف مرحوم کے قریبی عزیز تھے۔ وہ مرحوم مبشر کے بھتیجے اور رومان اعظم صراف کے بھائی تھے۔ خاندان کا شمار شہر کے معروف کاروباری گھرانوں میں ہوتا ہے اور مرحوم سماجی و خاندانی حلقوں میں نیک نامی سے جانے جاتے تھے۔
مرحوم کی رہائش گاہ گلی مندر والی، قائداعظم روڈ گوجرہ پر واقع ہے۔ نمازِ جنازہ کا اعلان بعد میں کیا جائے گا۔
اہلِ علاقہ اور تاجر برادری نے مرحوم کے انتقال پر گہرے رنج و غم کا اظہار کرتے ہوئے دعا کی ہے کہ اللہ تعالیٰ مرحوم کو جوارِ رحمت میں جگہ عطا فرمائے اور پسماندگان کو صبرِ جمیل دے۔
