گوجرہ: پینسرہ روڈ پر پیش آنے والے ٹریفک حادثے میں ایک لیڈی ڈاکٹر جاں بحق ہوگئیں۔ ابتدائی اطلاعات کے مطابق حادثہ اس وقت پیش آیا جب ایک موٹر سائیکل سوار نے مبینہ طور پر دوسری موٹر سائیکل کو پیچھے سے ٹکر مار دی۔
حادثے کے نتیجے میں موٹر سائیکل پر سوار لیڈی ڈاکٹر شدید زخمی ہوئیں اور جانبر نہ ہوسکیں۔ ذرائع کے مطابق متاثرہ خاتون نے چین سے ایم بی بی ایس کی ڈگری حاصل کر رکھی تھی۔
حادثے کی سی سی ٹی وی فوٹیج بھی سامنے آگئی ہے، جس میں مبینہ طور پر موٹر سائیکلوں کے درمیان تصادم کے مناظر دیکھے جا سکتے ہیں۔
واقعے کے بعد متعلقہ اداروں نے کارروائی شروع کردی ہے، جبکہ حادثے کی اصل وجوہات اور دیگر حقائق متعلقہ حکام کی تحقیقات مکمل ہونے کے بعد سامنے آئیں گے۔
