گوجرہ: جماعت اسلامی گوجرہ کا ایک ہنگامی اجلاس منعقد ہوا جس میں جماعت کے مقامی ذمہ داران اور کارکنان نے شرکت کی۔ اجلاس میں سابق رکن قومی اسمبلی خالد وڑائچ کی جانب سے کی گئی مبینہ غیر اخلاقی گفتگو پر شدید تشویش کا اظہار کرتے ہوئے اس کی بھرپور مذمت کی گئی۔
اجلاس کے شرکاء نے کہا کہ عوامی نمائندوں اور سیاسی شخصیات کو اپنی گفتگو میں اخلاقی اقدار، شائستگی اور ذمہ داری کا مظاہرہ کرنا چاہیے۔ مقررین نے مطالبہ کیا کہ سیاسی اختلافات کے باوجود مہذب اور باوقار زبان کا استعمال یقینی بنایا جائے۔
اجلاس کے اختتام پر جماعت اسلامی گوجرہ کے ذمہ داران نے اعلان کیا کہ اس معاملے پر جماعت اسلامی اپنا مؤقف عوام کے سامنے رکھنے کے لیے کل سہ پہر 3 بجے پریس کانفرنس کرے گی، جس میں حالیہ صورتحال اور آئندہ کے لائحہ عمل سے متعلق تفصیلات سے آگاہ کیا جائے گا۔
