ٹوبہ ٹیک سنگھ: رکن صوبائی اسمبلی اسد زمان چیمہ نے اپنے دیرینہ سیاسی دوست اور سابق ضلع ناظم ٹوبہ ٹیک سنگھ محمد اشفاق سے ان کی رہائشگاہ پر ملاقات کی اور ان کی خیریت دریافت کی۔
ملاقات کے دوران اسد زمان چیمہ نے محمد اشفاق کی صحت کے بارے میں تفصیلی آگاہی حاصل کی اور ان کی جلد صحت یابی کے لیے نیک تمناؤں اور دعاؤں کا اظہار کیا۔ دونوں رہنماؤں کے درمیان باہمی دلچسپی کے امور اور علاقائی صورتحال پر بھی تبادلہ خیال کیا گیا۔
اس موقع پر میاں طاہر بھی اسد زمان چیمہ کے ہمراہ موجود تھے۔ ملاقات خوشگوار ماحول میں ہوئی، جس میں دیرینہ تعلقات اور سیاسی رفاقت کو بھی یاد کیا گیا۔
اسد زمان چیمہ نے دعا کی کہ اللہ تعالیٰ محمد اشفاق کو مکمل صحت و تندرستی عطا فرمائے اور انہیں جلد معمول کی سرگرمیوں میں واپس آنے کی توفیق دے۔
