گوجرہ: پنجاب اسمبلی کے رکن ایم پی اے اسد زمان چیمہ نے اپنے قریبی عزیز جناب ماسٹر نثار احمد چیمہ کے والد مرحوم کے ایصالِ ثواب کے لیے منعقدہ ختمِ پاک میں شرکت کی۔
اس موقع پر مرحوم کے بلند درجات اور مغفرت کے لیے خصوصی دعا کی گئی۔ شرکاء نے اللہ تعالیٰ کے حضور مرحوم کی بخشش، جنت الفردوس میں اعلیٰ مقام اور اہلِ خانہ کے لیے صبرِ جمیل کی دعا کی۔
ختمِ پاک کی تقریب میں تنظیم حیدر چیمہ، چاچا جی بشیر احمد چیمہ، حافظ فیاض چیمہ سمیت دیگر عزیز و اقارب اور دوست احباب بھی موجود تھے۔ شرکاء نے مرحوم کی دینی، سماجی اور خاندانی خدمات کو خراجِ عقیدت پیش کرتے ہوئے ان کے لیے دعائے مغفرت کی۔
ایم پی اے اسد زمان چیمہ نے مرحوم کے اہلِ خانہ سے اظہارِ تعزیت کرتے ہوئے کہا کہ دکھ کی اس گھڑی میں وہ غمزدہ خاندان کے ساتھ کھڑے ہیں اور اللہ تعالیٰ سے دعا گو ہیں کہ مرحوم کو اپنی جوارِ رحمت میں جگہ عطا فرمائے۔
تقریب کے اختتام پر اجتماعی دعا کی گئی اور مرحوم کے ایصالِ ثواب کے لیے قرآن خوانی بھی کی گئی۔
