گوجرہ : امیر جماعت اسلامی ضلع ٹوبہ ٹیک سنگھ ڈاکٹر عطااللہ حمید کی رہائش گاہ پر عید ملن پارٹی کا انعقاد کیا گیا، جس میں جے آئی یوتھ کے نوجوانوں کی بڑی تعداد نے شرکت کی۔
تقریب کے دوران شرکاء نے عید کی خوشیاں ایک دوسرے کے ساتھ بانٹیں اور باہمی اخوت، اتحاد اور تنظیمی امور پر تبادلہ خیال کیا۔ اس موقع پر نوجوانوں نے جماعت اسلامی کی سرگرمیوں، سماجی خدمات اور نوجوانوں کے کردار کے حوالے سے بھی گفتگو کی۔
عید ملن پارٹی میں شریک نوجوانوں نے ڈاکٹر عطااللہ حمید سے ملاقات کی اور عید کی مبارکباد پیش کی۔ تقریب خوشگوار ماحول میں منعقد ہوئی جہاں باہمی روابط کو مزید مضبوط بنانے پر زور دیا گیا۔
شرکاء کا کہنا تھا کہ اس طرح کی تقریبات نوجوانوں میں اتحاد، تنظیمی ہم آہنگی اور مثبت سرگرمیوں کے فروغ میں اہم کردار ادا کرتی ہیں
