ٹوبہ ٹیک سنگھ: الائیڈ ہیلتھ پروفیشنلز کے ایک وفد نے ڈاکٹر شہزاد محمود کو ڈسٹرکٹ ہیلتھ آفیسر ڈی ایچ او ٹوبہ ٹیک سنگھ تعینات ہونے پر دلی مبارکباد پیش کی۔
اس موقع پر وفد نے ڈاکٹر شہزاد محمود کو پھولوں کے گلدستے پیش کیے اور ان کا پرتپاک استقبال کیا۔ وفد کے اراکین نے نیک تمناؤں کا اظہار کرتے ہوئے امید ظاہر کی کہ وہ اپنی پیشہ ورانہ صلاحیتوں کو بروئے کار لاتے ہوئے ضلع میں صحت کے شعبے کی بہتری کے لیے مؤثر اقدامات کریں گے۔
ڈاکٹر شہزاد محمود نے وفد کا شکریہ ادا کرتے ہوئے اس عزم کا اظہار کیا کہ وہ تمام اسٹیک ہولڈرز کے تعاون سے عوام کو بہتر طبی سہولیات کی فراہمی کو یقینی بنائیں گے۔
تقریب خوشگوار ماحول میں منعقد ہوئی، جس میں باہمی تعاون اور پیشہ ورانہ ہم آہنگی پر زور دیا گیا۔ اس موقع پر رانا عمیر ایڈوکیٹ بھی موجود تھے۔
یہ پریس ریلیز ایکٹو الائیڈ ہیلتھ پروفیشنلز ٹوبہ ٹیک سنگھ کی جانب سے جاری کی گئی۔
