پیرمحل : تھانہ سٹی پیرمحل کے علاقے میں سی سی ڈی کے مبینہ پولیس مقابلے کے دوران گوجرہ کے نواحی علاقے گڈا خانہ کا رہائشی مبینہ منشیات فروش ملک صابر علی ہلاک ہو گیا۔
سی سی ڈی حکام کے مطابق ملزم صابر علی منشیات فروشی کے مقدمات میں مطلوب تھا اور اس کے خلاف منشیات ایکٹ کے تحت سال 2017ء سے 2026ء تک مجموعی طور پر 9 مقدمات درج تھے۔
حکام کا کہنا ہے کہ مقابلہ اس وقت پیش آیا جب ملزم کو گرفتار کرنے کی کوشش کی گئی، تاہم اس دوران فائرنگ کا تبادلہ ہوا جس کے نتیجے میں وہ ہلاک ہو گیا۔ واقعے سے متعلق مزید تحقیقات جاری ہیں۔
