گوجرہ: پاکستان میڈیکل ایسوسی ایشن (پی ایم اے) گوجرہ کے زیرِ اہتمام رمضان میڈیکل سمٹ کی ایک پروقار تقریب منعقد ہوئی، جس میں طبی ماہرین، ڈاکٹرز اور مختلف شعبہ جات سے تعلق رکھنے والی شخصیات نے شرکت کی۔
تقریب کا مقصد ماہِ رمضان المبارک کے دوران صحت، غذائیت اور روزے کے طبی فوائد سے متعلق آگاہی فراہم کرنا تھا۔ مقررین نے اپنے خطاب میں روزے کے جسمانی و ذہنی فوائد، مریضوں کے لیے احتیاطی تدابیر اور صحت مند طرزِ زندگی اپنانے پر تفصیلی روشنی ڈالی۔
پی ایم اے گوجرہ کے عہدیداران کا کہنا تھا کہ ایسے سائنسی اور تعلیمی پروگرامز کا انعقاد معاشرے میں صحت کے شعور کو اجاگر کرنے میں اہم کردار ادا کرتا ہے۔ انہوں نے اس عزم کا اظہار کیا کہ مستقبل میں بھی عوامی فلاح کے لیے اسی نوعیت کی سرگرمیاں جاری رکھی جائیں گی۔
تقریب کے اختتام پر شرکاء نے رمضان میڈیکل سمٹ کو ایک مفید اور معلوماتی اقدام قرار دیتے ہوئے پی ایم اے گوجرہ کی کاوشوں کو سراہا
