ٹوبہ ٹیک سنگھ: محکمہ ہائر ایجوکیشن سے وابستہ افسر ملک حق نواز دانش نے بطور ڈپٹی ڈائریکٹر کالجز (ڈی ڈی سی) ٹوبہ ٹیک سنگھ اپنی خدمات احسن طریقے سے مکمل کرنے کے بعد اضافی چارج 19 فروری کو پروفیسر کاشف سعید کے سپرد کر دیا۔ وہ 2019 میں محکمہ سے وابستہ ہوئے اور سات سالہ دورِ خدمت میں نمایاں کارکردگی کا مظاہرہ کیا۔
بطور ڈی ڈی سی ٹوبہ ٹیک سنگھ، ملک حق نواز دانش نے ذمہ داری، دیانت اور پیشہ ورانہ صلاحیتوں کے ساتھ فرائض انجام دیے۔ وہ صوبہ پنجاب میں واحد ڈی ڈی سی رہے جنہیں بیک وقت دو اضلاع، ٹوبہ ٹیک سنگھ اور ساہیوال، کا تقریباً 8 سے 9 ماہ تک اضافی چارج دیا گیا، جو ایک منفرد اعزاز تصور کیا جاتا ہے۔
ان کے دورِ تعیناتی میں ضلع بھر میں نمایاں ترقیاتی منصوبے مکمل ہوئے۔ دو نئے کالجز کا قیام عمل میں آیا جبکہ متعدد نئے بلاکس کی تعمیر کی گئی۔ ٹوبہ ٹیک سنگھ میں نیا بلاک قائم ہوا، کمالیہ کالج کو اضافی کمروں کی فراہمی ممکن بنائی گئی، پی ایچ ڈی بلاک مکمل ہوا، جبکہ گوجرہ ویمن کالج میں نئے کمروں کی تعمیر اور گوجرہ کالج میں نئے بلاک کا آغاز کیا گیا۔ اسی طرح جکھڑ کالج کی تعمیر مکمل کر کے اسے ہینڈ اوور کیا گیا اور سندھیلیاوالی کالج بھی ان ہی کے دور میں قائم ہوا۔ مزید برآں، کلریکل اور درجہ چہارم ملازمین کی بھرتیوں اور ترقیوں کا عمل بھی شفاف انداز میں مکمل کیا گیا۔
ان سات برسوں کے دوران انہیں محکمہ کی جانب سے سات تعریفی اسناد (Appreciation Letters) بھی موصول ہوئیں، جو ان کی محنت، دیانت اور قائدانہ صلاحیتوں کا اعتراف ہیں۔
ستمبر 2025 سے وہ بطور پرنسپل Government Graduate College Gojra تعینات ہیں۔ اس دوران بھی محکمہ ہائر ایجوکیشن کی جانب سے انہیں اضافی چارج دیا گیا، جو ان پر ادارے کے اعتماد کا مظہر ہے۔
ملک حق نواز دانش کی پیشہ ورانہ خدمات اس امر کی عکاسی کرتی ہیں کہ محنت، دیانت اور لگن سے انجام دیے گئے فرائض نہ صرف ادارے بلکہ معاشرے کی ترقی میں بھی اہم کردار ادا کرتے ہیں۔ ان کی آئندہ کامیابیوں کے لیے نیک تمناؤں کا اظہار کیا جا رہا ہے۔
