ٹوبہ ٹیک سنگھ : ڈپٹی کمشنر عمر میلہ نے بچوں میں صحت مند سرگرمیوں کو فروغ دینے کے لیے 2.5 کلومیٹر بچوں کی میراتھن کا باقاعدہ افتتاح کر دیا۔ میراتھن کے آغاز کے موقع پر بچوں میں خاصا جوش و خروش دیکھنے میں آیا جبکہ والدین اور شہریوں کی بڑی تعداد بھی اس موقع پر موجود تھی۔
ڈپٹی کمشنر عمر میلہ نے میراتھن کے شرکاء سے خطاب کرتے ہوئے کہا کہ کھیل کود اور جسمانی سرگرمیاں بچوں کی ذہنی اور جسمانی نشوونما کے لیے نہایت ضروری ہیں۔ ایسے ایونٹس بچوں میں اعتماد، نظم و ضبط اور صحت مند طرزِ زندگی کو فروغ دیتے ہیں۔
میلہ انتظامیہ کے زیرِ اہتمام منعقدہ اس میراتھن میں مختلف اسکولوں کے بچوں نے بھرپور شرکت کی۔
