گوجرہ سٹی:قومی اسمبلی کے رکن ایم این اے اسامہ حمزہ نے گوجرہ سٹی کا دورہ کیا جہاں انہوں نے اپنے حلقہ احباب، پارٹی کارکنان اور دیرینہ ساتھیوں سے ملاقاتیں کیں۔ اس موقع پر علاقے کے سیاسی و سماجی امور پر تفصیلی تبادلۂ خیال کیا گیا۔
ملاقات میں شرکاء نے ایم این اے اسامہ حمزہ کو گوجرہ میں جاری ترقیاتی منصوبوں اور عوامی مسائل سے آگاہ کیا، جبکہ اسامہ حمزہ نے تمام جائز مسائل کو متعلقہ اداروں تک پہنچانے اور حل کے لیے بھرپور تعاون کی یقین دہانی کرائی۔
انہوں نے کہا کہ وہ عوام کے اعتماد پر پورا اترنے کے لیے ہر ممکن کوشش جاری رکھیں گے اور گوجرہ کے ترقیاتی سفر کو مزید تیز کیا جائے گا۔ ملاقات کا ماحول خوشگوار رہا اور شرکاء نے اپنے نمائندے کی جانب سے توجہ کو سراہا
