گوجرہ :سابق رکنِ قومی اسمبلی اور وفاقی پارلیمانی سیکرٹری برائے پلاننگ اینڈ ڈیولپمنٹ چوہدری خالد جاوید وڑائچ نے گوجرہ کے طیب میرج ہال میں منعقدہ ایک پروقار تقریبِ نکاح میں شرکت کی۔ یہ شادی رانا بشیر احمد (گاؤں 97 ج ب) کی صاحبزادی کی تھی۔
چوہدری خالد جاوید وڑائچ نے دلہا اور دلہن کے اہلِ خانہ کو شادی کی خوشی کے موقع پر دلی مبارکباد پیش کی اور نیک تمناؤں کا اظہار کیا۔
اس موقع پر ان کے ہمراہ پیر طریقت و رہبرِ شریعت پیر سید اسرار البہار شاہ صاحب، میاں نعیم اللہ، سابق یونین کونسل چیئرمین منیر احمد نمبردار، کلیم جٹ (95 ج ب)، ندیم (پنجاب پولیس) سمیت دیگر معزز شخصیات، دوست احباب اور علاقے کے لوگ بھی موجود تھے۔
تقریب خوشگوار ماحول میں انجام پائی اور مہمانوں نے خوش جوڑ کی دعا دی۔
