گوجرہ :اسسٹنٹ کمشنر گوجرہ محمد ریاض گجر نے ووکیشنل ٹریننگ انسٹیٹیوٹ گوجرہ کا دورہ کیا، جہاں انہوں نے ادارے کے مختلف شعبوں کا معائنہ کیا اور جاری تدریسی سرگرمیوں کا جائزہ لیا۔ دورے کے دوران انسٹیٹیوٹ کے پرنسپل مرزا محمد واثق نے انہیں ادارے کی سہولیات، کورسز اور تعلیمی معیار کے بارے میں تفصیلی بریفنگ دی۔
اسسٹنٹ کمشنر نے ورکشاپس اور کلاس رومز کا دورہ کرتے ہوئے اساتذہ سے ملاقات کی اور تدریسی عمل کے معیار پر اطمینان کا اظہار کیا۔ انہوں نے طلبہ سے گفتگو کرتے ہوئے کہا کہ نوجوان عملی تربیت حاصل کرکے معاشرے میں مضبوط کردار ادا کر سکتے ہیں۔ ان کا کہنا تھا کہ:
"اپنی تعلیم پر پوری توجہ دیں، اپنی صلاحیتوں کو نکھاریں اور اپنے خوابوں کو حقیقت میں بدلیں۔"
محمد ریاض گجر نے اساتذہ کو ہدایت کی کہ وہ طلبہ کو بہتر سے بہتر تعلیم اور تربیت فراہم کریں تاکہ وہ مستقبل کی چیلنجز کا بہتر انداز میں مقابلہ کر سکیں۔
دورے کے اختتام پر اسسٹنٹ کمشنر گوجرہ نے انسٹیٹیوٹ کے احاطے میں ایک پودا لگایا اور علاقے کی سرسبز ی کے لیے نیک تمناؤں کے ساتھ خصوصی دعا بھی کی۔
