گوجرہ : اسسٹنٹ کمشنر محمد ریاض نے گورنمنٹ کالج برائے خواتین گوجرہ کا دورہ کیا۔ دورے کے دوران انہوں نے کلاس رومز، سبزہ زاروں اور کالج کے دیگر حصوں کا تفصیلی معائنہ کیا۔
اس موقع پر اسسٹنٹ کمشنر نے کالج انتظامیہ کو ہدایت کی کہ کلاس رومز اور سبزہ زاروں کی تزئین و آرائش کو مزید بہتر بنایا جائے تاکہ طالبات کو ایک صاف، خوشگوار اور معیاری تعلیمی ماحول فراہم کیا جا سکے۔
انہوں نے کہا کہ تعلیمی اداروں کی خوبصورتی اور صفائی نہ صرف ماحول کو خوشگوار بناتی ہے بلکہ طلبہ میں سیکھنے کا جذبہ بھی بڑھاتی ہے۔ اسسٹنٹ کمشنر نے کالج کے تدریسی اور انتظامی امور پر اطمینان کا اظہار کرتے ہوئے مزید بہتری کے لیے تجاویز بھی دیں۔
آخر میں، انہوں نے یقین دلایا کہ ضلعی انتظامیہ تعلیمی اداروں کی بہتری کے لیے ہر ممکن تعاون فراہم کرے گی تاکہ گوجرہ کی طالبات بہتر تعلیمی سہولیات سے مستفید ہو سکیں۔
