گوجرہ : اسسٹنٹ کمشنر گوجرہ، محترمہ صدف اکبر نے آج متاثرہ علاقے کا دورہ کیا جہاں نہری نظام میں پیدا ہونے والے شگاف کی وجہ سے آس پاس کے دیہات کو پانی کی قلت اور دیگر مشکلات کا سامنا تھا۔
دورے کے دوران اسسٹنٹ کمشنر نے موقع کا جائزہ لیا اور موقع پر موجود ایس ڈی او اریگیشن کو ہدایات جاری کیں کہ شگاف کو فوری طور پر بند کیا جائے اور نہری پانی کی روانی کو جلد از جلد بحال کیا جائے تاکہ زراعت اور مقامی آبادی کو کسی بھی مزید نقصان سے بچایا جا سکے۔
اسسٹنٹ کمشنر نے متعلقہ حکام کو تاکید کی کہ وہ کام کی نگرانی خود کریں اور اس بات کو یقینی بنائیں کہ تمام ضروری اقدامات ترجیحی بنیادوں پر مکمل کیے جائیں۔
انہوں نے میڈیا سے گفتگو کرتے ہوئے کہا کہ انتظامیہ عوامی مسائل کے فوری حل کے لیے ہر ممکن اقدامات کر رہی ہے اور کسی قسم کی کوتاہی برداشت نہیں کی جائے گی۔
