گوجرہ : سابق رکنِ قومی اسمبلی اور وفاقی پارلیمانی سیکرٹری برائے پلاننگ اینڈ ڈیویلپمنٹ، خالد جاوید وڑائچ، عوامی خدمت کے جذبے کے تحت مسلسل عوامی مسائل کے حل کے لیے سرگرم عمل ہیں۔ انہوں نے حال ہی میں وڑائچ ہاؤس، پیپلز سیکریٹریٹ، بائی پاس پینسرہ روڈ پر کھلی کچہری کا انعقاد کیا، جہاں شہریوں کی بڑی تعداد نے شرکت کی۔
عوام کی جانب سے مختلف مسائل پیش کیے گئے، جن میں پینے کے صاف پانی، سیوریج، سڑکوں کی حالتِ زار، صحت اور تعلیم سے متعلق شکایات شامل تھیں۔ خالد جاوید وڑائچ نے تمام شکایات کو بغور سنا اور موقع پر موجود متعلقہ اداروں کے افسران کو فوری کارروائی کی ہدایت کی
انہوں نے میڈیا سے گفتگو کرتے ہوئے کہا کہ وہ سیاست کو خدمت سمجھ کر کرتے ہیں اور حلقہ کی عوام کے مسائل ان کی اولین ترجیح ہیں۔ "ہم نے پہلے بھی اپنے دورِ اقتدار میں علاقے میں متعدد ترقیاتی منصوبے مکمل کیے، اور آئندہ بھی عوام کے درمیان موجود رہ کر خدمت کا سلسلہ جاری رکھیں گے،" انہوں نے کہا۔
علاقہ مکینوں نے خالد جاوید وڑائچ کی عوامی خدمات اور مسلسل رابطے کو سراہتے ہوئے ان کے اقدامات کو خوش آئند قرار دیا
