گوجرہ: قادری دربار گلی نمبر 10 گوجرہ سے حق باہو سلطان کے سالانہ عرس میں شرکت کے لیے روانہ ہونے والا زائرین کا قافلہ ایک افسوسناک حادثے کا شکار ہو گیا۔ یہ واقعہ 18 ہزاری کے قریب پیش آیا جہاں قافلے کی بس الٹ گئی
خوش قسمتی سے حادثہ شدید ہونے کے باوجود تمام زائرین اور مسافر محفوظ رہے۔ کسی قسم کے جانی یا مالی نقصان کی اطلاع نہیں ملی۔ تمام افراد کو فوری طور پر محفوظ مقام پر منتقل کر دیا گیا اور ابتدائی طبی امداد بھی فراہم کی گئی۔
حادثے کے بعد زائرین نے اللہ تعالیٰ کا شکر ادا کیا کہ وہ ایک بڑے نقصان سے محفوظ رہے۔ قافلے کے منتظمین نے بھی حکام کا شکریہ ادا کیا جنہوں نے بروقت امدادی کارروائیاں کیں۔
