گزشتہ روز گوجرہ کے علاقے پینسرہ روڈ پر شیل پمپ کے قریب ایک افسوسناک ٹریفک حادثے میں 59 سالہ موٹر سائیکل سوار محمد اقبال جان کی بازی ہار گئے۔ حادثہ اُس وقت پیش آیا جب ایک تیز رفتار بس نے موٹر سائیکل کو ٹکر ماری، جس کے نتیجے میں محمد اقبال موقع پر ہی دم توڑ گئے۔
ریسکیو 1122 کی ٹیم فوری طور پر جائے حادثہ پر پہنچی، تاہم زخمی کی جان نہ بچائی جا سکی۔ حادثے کے فوراً بعد بس ڈرائیور موقع سے فرار ہو گیا۔ پولیس نے جائے وقوعہ سے شواہد اکٹھے کر کے تفتیش کا آغاز کر دیا ہے اور ڈرائیور کی تلاش جاری ہے۔
پولیس اور مقامی انتظامیہ نے عوام سے اپیل کی ہے کہ روڈ سیفٹی قوانین کی سختی سے پابندی کریں اور احتیاطی تدابیر اختیار کریں تاکہ ایسے اندوہناک واقعات سے بچا جا سکے۔
