گوجرہ : آج مورخہ 13 مئی بروزِ بدھ گوجرہ میں پبلک ایڈ کمیٹی کا ایک اہم اجلاس منعقد ہوا، جس میں شہر کو درپیش مختلف عوامی مسائل پر تفصیلی گفتگو کی گئی۔ اجلاس میں شہری فلاح و بہبود، بنیادی سہولیات اور مقامی سطح پر درپیش مسائل کے حل کے حوالے سے مختلف تجاویز اور آراء کا تبادلہ کیا گیا۔
اجلاس میں مختلف سماجی و عوامی امور کا جائزہ لیتے ہوئے شرکاء نے اس امر پر زور دیا کہ گوجرہ شہر کے مسائل کے حل کے لیے متعلقہ اداروں کے ساتھ مؤثر رابطہ اور عملی اقدامات ناگزیر ہیں۔ اس موقع پر شہریوں کو درپیش مشکلات اور ان کے ممکنہ حل پر بھی تفصیلی تبادلہ خیال کیا گیا۔
اجلاس میں ضلع ٹوبہ ٹیک سنگھ کے امیر، ڈاکٹر عطااللہ حمید نے خصوصی شرکت کی۔ انہوں نے اپنے خطاب میں عوامی مسائل کے حل، سماجی خدمت اور باہمی تعاون کی اہمیت پر زور دیتے ہوئے کہا کہ شہری مسائل کے مستقل حل کے لیے اجتماعی کوششیں وقت کی اہم ضرورت ہیں۔
اجلاس کے اختتام پر اس عزم کا اظہار کیا گیا کہ گوجرہ شہر کے مسائل کو ترجیحی بنیادوں پر اجاگر کرتے ہوئے متعلقہ فورمز پر مؤثر انداز میں پیش کیا جائے گا تاکہ شہریوں کو درپیش مشکلات کا ازالہ ممکن بنایا جا سکے۔
