لاہور: سابق وزیر اعلیٰ پنجاب حمزہ شہباز شریف سے سیاسی شخصیت خالد جاوید وڑائچ نے ملاقات کی، جس میں ملک کی موجودہ سیاسی صورتحال اور باہمی دلچسپی کے امور پر تفصیلی تبادلہ خیال کیا گیا۔
ذرائع کے مطابق ملاقات خوشگوار ماحول میں ہوئی، جس کے دوران دونوں رہنماؤں نے پنجاب سمیت ملک بھر کی سیاسی پیش رفت پر گفتگو کی۔ اس موقع پر باہمی روابط کو مزید مضبوط بنانے اور آئندہ کے لائحہ عمل پر بھی غور کیا گیا۔
ملاقات میں علاقائی مسائل، عوامی فلاح و بہبود اور پارٹی امور سے متعلق مختلف پہلوؤں پر بھی بات چیت کی گئی۔ دونوں رہنماؤں نے موجودہ حالات میں سیاسی استحکام کی اہمیت پر زور دیا۔
