گوجرہ: جماعت اسلامی پاکستان گوجرہ کے زیر اہتمام سید علی آیت اللہ خامنہ ای کی غائبانہ نمازِ جنازہ ادا کی گئی، جس میں کارکنان اور شہریوں کی بڑی تعداد نے شرکت کی۔
تقریب کا انعقاد مقامی سطح پر کیا گیا جہاں شرکا نے مرحوم کے لیے دعائے مغفرت اور درجات کی بلندی کی دعا کی۔ مقررین نے اپنے خطاب میں سید علی آیت اللہ خامنہ ای کی دینی و ملی خدمات کو خراجِ عقیدت پیش کیا اور کہا کہ ان کی خدمات کو طویل عرصے تک یاد رکھا جائے گا۔
نمازِ جنازہ میں پارٹی رہنماؤں، کارکنوں اور مختلف شعبہ ہائے زندگی سے تعلق رکھنے والے افراد نے شرکت کی۔ اس موقع پر اتحادِ امت اور باہمی ہم آہنگی کی ضرورت پر بھی زور دیا گیا۔
تقریب کے اختتام پر مرحوم کے ایصالِ ثواب کے لیے خصوصی دعا کی گئی۔
×
![]()
